Пролог Великого Канона

Двери Великого поста отверзаются нам чтением в четырех частях Великого покаянного канона. И велик поистине того автор - преподобный Андрей Критский. Его перу многое и чудное принадлежит в гимнах церковных, но, кажется, Великий канон затмил прочее. Дерзаю сказать, что последнее суждение не вполне обосновано.

И не только из-за несравненных его трипеснцев на повечериях Страстной (о чем писалось и в публикациях Календаря (статья "Страстная" в номере 4 за 2007 год). Можно и иные шедевры вспомнить "отеческой похвалы", как именуется прп.Андрей в одном из тропарей на службе Стояния Марии Египетской. Мы же ныне остановимся на малоизвестном каноне на утрене сырной среды, являющимся таким образом по самому положению своему чем-то вроде пролога к канону Великому. Приводим ниже текст этого чуда гимнографии.

Кано́нъ тріо́ди, гла́съ 4.

Творе́ніе господи́на Андре́я Кри́тскаго.
Пѣ́снь 1.

Ирмо́съ: Воспою́ Тебѣ́, Го́споди Бо́же мо́й, я́ко изве́лъ еси́ лю́ди изъ рабо́ты еги́петскія, покры́лъ же еси́ колесни́цы фарао́новы и си́лу.

Постя́ся Госпо́дь человѣ́чески, ко изображе́нію на́шему, побѣжда́етъ искуси́теля, показу́я на́ше и предѣ́лы подпису́я на́мъ.

Моисе́й боже́ственый въ Сина́и воздержа́ніемъ Бо́гу лице́мъ къ Лицу́ глаго́лати сподо́бися, тому́, вѣ́рніи, поревну́имъ.

Очи́сти, Го́споди, лю́ди Твоя́ и призрѣ́въ, я́ко Бо́гъ, ми́лостивымъ о́комъ, посѣти́ всѣ́хъ мно́жествомъ ми́лости Твоея́.

Богоро́диченъ: Къ Тебѣ́ вси́ притека́емъ, Богоро́дице, я́ко побо́рницѣ тве́рдѣй, на моли́тву дви́жуще Тя́, изба́вити ста́до Твое́ отъ вся́каго обстоя́нія.

Пѣ́снь 3.

Ирмо́съ: Въ Го́сподѣ Бо́зѣ мое́мъ се́рдце мое́ утверди́ся, тѣ́мъ немощству́ющіи препоя́сашася си́лою.

Чу́дный Ено́хъ воздержа́ніемъ преложи́ся отъ земли́, тому́ образоревну́юще преложи́мся отъ тли́ къ животу́.

Моли́твами и поще́ньми Изба́вителя умо́лимъ, сра́дуется бо Созда́тель покая́нію созда́ній Свои́хъ.

Гото́вися, о душе́, и предочи́стися пре́жде стра́сти Христо́вы, да воскресе́ніемъ духо́вно спра́зднуеши Ему́.

Богоро́диченъ: Яко ро́ждшая Бо́га, о на́съ непреста́нно моли́ся, къ Тебѣ́ бо, Богоро́дице, грѣ́шніи прибѣга́емъ.

Пѣ́снь 4.

Ирмо́съ: Услы́шахъ слу́хъ Тво́й и убоя́хся, разумѣ́хъ дѣла́ Твоя́ и ужасо́хся, Го́споди.

Авраа́мъ добродѣ́телію и страннолю́біемъ Тро́ицу прія́тъ, а́нгельски прише́дшую.

Бога́тство некра́домое воздержа́нія е́сть да́ръ, и си́мъ обогати́выйся, обогати́тся Божество́мъ.

Сла́ва: Пріиди́те, воспла́чимъ вку́пѣ сло́вомъ, вѣ́рою вопію́ще: Бо́же, очи́сти ны́, мно́го согрѣ́шшія.

Богоро́диченъ: Ма́ти Непоро́чная, Благослове́нная, Чи́стая Дѣ́во, Сы́ну Твоему́ и Бо́гу на́шему о мíрѣ моли́ся.

Пѣ́снь 5.

Ирмо́съ: Возсія́вый свѣ́тъ, и просвѣти́вый у́тро, и показа́вый де́нь, сла́ва Тебѣ́, сла́ва Тебѣ́, Іису́се Сы́не Бо́жій.

Пости́вся дре́вле Моисе́й въ горѣ́ Сина́йстѣй, богови́децъ яви́ся, и Илія́ на о́гненнѣй колесни́цѣ возноша́шеся.

Поще́ніемъ иногда́ му́дрый Иса́ія у́гля о́наго клеще́ю вкуша́етъ, егда́ ко устна́мъ его́ прикосну́ся.

Сла́ва: Пости́вся пре́жде Даніи́лъ и тріе́ о́троцы вку́пѣ, че́люсти льво́въ сокруши́вше, горя́щій пла́мень попра́ша.

Богоро́диченъ: Богороди́тельнице Чи́стая, Бо́га во чре́вѣ Твое́мъ носи́вшая нетлѣ́нно, сохрани́ ста́до Твое́ и соблюди́ невреди́мо.

Пѣ́снь 6.

Ирмо́съ: Якоже проро́ка Іо́ну отъ ки́та изба́вилъ еси́, Христе́ Бо́же, и мене́ изъ глубины́ прегрѣше́ній возведи́ и спаси́ мя, еди́не Человѣколю́бче.

Іо́ну въ ки́тѣ честно́е спасе́ поще́ніе иногда́: пости́мся у́бо отъ се́рдца и убѣжи́мъ о́наго въ гее́ннѣ тлѣ́нія.

Ниневи́тяне же па́ки гнѣ́въ Бо́жій претвори́ша те́плымъ покая́ніемъ и любо́вію: тѣ́мъ ны́нѣ любе́зно вси́ поревну́имъ.

Сла́ва: Настоя́щій по́стъ созыва́етъ на́съ на покая́ніе, притеце́мъ у́бо съ любо́вію и уразумѣ́имъ, что́ е́сть да́ръ воздержа́нія.

Богоро́диченъ: Несказа́нно ро́ждшая Спа́са мíру, Христа́ Бо́га на́шего, Того́ моля́щи не преста́й, ро́дъ ве́сь спасти́ воспѣва́ющихъ Тя́.

Пѣ́снь 7.

Ирмо́съ: Оте́цъ на́шихъ Бо́же, не посрами́ на́съ, но да́руй на́мъ со дерзнове́ніемъ вопи́ти Тебѣ́: благослове́нъ еси́, Бо́же оте́цъ на́шихъ.

Бу́демъ и мы́, я́ко Даніи́лъ о́ный, львы́ иногда́ посто́мъ укроти́вый въ ро́вѣ рыка́ющія.

Юношамъ тре́мъ поревну́имъ со стра́хомъ, да убѣ́гнемъ огня́ гее́нскаго, я́коже сíи вавило́нскія пе́щи.

Сла́ва: Пости́мся и мы́ чи́стымъ се́рдцемъ, и очи́стимъ тѣ́ло, и ве́сь вся́ко ду́хъ Бо́гу посвяти́мъ.

Богоро́диченъ: Дѣ́во Ма́ти Чи́стая, изъ Тебе́ воплоще́ннаго Превѣ́чнаго Сло́ва моля́щи не преста́й спасти́ся душа́мъ на́шимъ.

Пѣ́снь 8.

Ирмо́съ: Царя́ Христа́, Его́же исповѣ́даша плѣне́нніи о́троцы, въ пещи́ глаго́люще ве́ліимъ гла́сомъ: вся́ дѣла́, по́йте Го́спода.

Пости́вся пре́жде Іо́сифъ, смѣше́нія избѣже́ беззако́нныя жены́ и ца́рство улучи́. Тѣ́мже и мы́ угаси́мъ поще́ніемъ разжже́нныя стрѣ́лы врага́ веліа́ра.

Поще́ніемъ Дави́дъ побѣ́ду поста́ви на иноплеме́нника и ца́рство обрѣ́те. Тѣ́мже и мы́ пріи́мемъ воздержа́ніемъ побѣ́ду на враги́ и во Го́сподѣ вѣнча́ни бу́демъ.

Сохрани́мъ и мы́ добродѣ́тели и́хъ: Іовлево му́жество, Іа́ковле незло́біе, вѣ́ру Авраа́мову, цѣлому́дріе Іо́сифово и Дави́дову до́блесть.

Богоро́диченъ: Царя́ Христа́, Его́же роди́ на́мъ Дѣ́ва Марíя, и по Рождествѣ́ пребы́сть Дѣ́ва Чи́стая, вся́ дѣла́ Госпо́дня, Го́спода по́йте и превозноси́те Его́ во вѣ́ки.

Пѣ́снь 9.

Ирмо́съ: Велича́емъ вси́ человѣко́любіе Твое́, Христе́, Спа́се на́шъ, Сла́во ра́бъ Твои́хъ и Вѣ́нче вѣ́рныхъ, возвели́чивый па́мять Ро́ждшія Тя́.

Моисе́й во Еги́птѣ мо́ре раздѣли́, и лю́ди проведе́, и сія́ препита́ въ пусты́ни непрохо́днѣй, посто́мъ творя́ чудеса́.

Іису́съ Нави́нъ воздержа́ніемъ лю́ди освяти́ и наслѣ́дствова зе́млю обѣтова́нную, Іорда́нъ преше́дъ пре́жде.

Гедео́нъ о́ный, то́кмо съ треми́ сты́ муже́й хлепта́вшими, побѣжда́етъ иноплеме́нники воздержа́ніемъ и моли́твою. Тому́, ревну́юще, и мы́ уподо́бимся.

Богоро́диченъ: Ра́дуйся, Всечестна́я, Чи́стая, дѣ́вства похвало́, а́нгеловъ утвержде́ніе, человѣ́ковъ помо́щнице, мíра ра́досте, Марíе, и Ма́ти, и Рабо́ Бо́га на́шего.

________________________

К замечательному творению преподобного Андрея добавим и скромный наш комментарий.

Первое, что бросается в глаза, - это сходные с Великим покаянным каноном структура и тематика сего канона малого:

1.Ветхозаветных праведников, имена которых расположены цепью - почти по хронологии - автор являет как учителей верности Богу и происходящего от нее воздержания.
2. Истинно подвизающихся по подобию древних праотцев и пророков Господь не лишает награды.
3. Параллели с образами ветхозаветными перемежаются с прямыми аскетическими уроками (в Великом каноне - это, скорее, покаянные вздохи души). И, как всегда бывает в творениях величайших мастеров, - несколько текстов здесь, подобно свету ярчайших звёзд, пронзают душу поэтическим и духовным совершенством. Остановимся вкратце на одном из них - 2-м тропаре 4-й песни. Чтобы яснее оценить чудную того глубину и красоту, повторим ниже его ещё раз:

Бога́тство некра́домое воздержа́нія е́сть да́ръ, и си́мъ обогати́выйся, обогати́тся Божество́мъ.

В контексте истории Авраамовой автор видит основание богатства отца верующих (потому и примера для них) - дар воздержания. Этот дар от Господа - Подателя всякого блага. И обокрасть воздержного невозможно, ибо он сам отказался от излишнего. Благородный и строгий к себе Авраам поистине обогатился даром воздержания, потому Бог мог его просить о любой жертве - и о той главной, приснопамятной, страшной… И, тем обогатившись, Авраам обогащается явившимся в роде его Божеством Господа Иисуса Христа. И имеем надежду, верные, Авраамовы по духу дети, что и нас, вступающих на поприще воздержания, Божественною обогатит Господь благодатию. И похвалим здесь, в Поста Божественного преддверии, Кир Андрея - "пастыря Критска и похвалу вселенныя, покаяния таинника преизряднаго".

протоиерей Илья Шапиро

• Вперед